ᐅᑲᓕᖅ ᑲᓪᓚᓗ

ᐅᑲᓕᖅ ᑲᓪᓚᓗ

13 Episodes

ᐅᑲᓕᖅ ᑲᓪᓚᒡᓗ ᐅᓂᒃᑳᖅᐳᑦ ᐅᑲᓕᕐᒥᒃ, ᐅᑲᓕᖅ, ᐊᒻᒪ ᑲᓪᓚᒥᒃ, ᐊᕕᙵᖅ.

Subscribe Share
ᐅᑲᓕᖅ ᑲᓪᓚᓗ
  • ᐱᑭᐅᑕᕐᓂᖅ

    Episode 1

    ᐅᑲᓕᖅ ᑲᓪᓚᓗ, ᐊᔾᔨᒌᙱᑦᑎᐊᖅᑑᒃ ᐱᖃᓐᓇᕇᒃ, ᐱᑭᐅᓯᐅᕆᐊᕈᒪᓕᖅᐴᒃ ᑕᐃᔅᓱᒪᓂ ᐅᓪᓗᕐᒥ. ᑲᓪᓚ ᐱᑭᐅᓯᐅᕆᐊᖃᑦᑕᖅᓯᒪᒐᒥ ᐅᑲᓕᖅ ᐊᔪᕆᖅᓲᑎᕚ ᐃᕙᕝᕕᖕᒧᑦ ᐊᒥᐊᒃᑯᓯᔭᕆᐊᖃᕐᓂᕐᒥᒃ ᑎᖕᒥᐊᖅᑕᖃᖃᑦᑕᐃᓐᓇᕐᓂᐊᕐᒪᑦ. ᑭᓯᐊᓂᓕ ᐅᑲᓕᖅ ᓱᓇᐅᕝᕙ ᖃᐅᔨᒪᓐᓂᙱᓐᓇᒥ ᓇᓕᐊᒃ ᒪᓐᓂᒋᔭᐅᖕᒪᖔᑕ ᒥᑎᕐᒧᑦ ᓇᓕᐊᒡᓗ ᑲᖑᕐᒧᑦ ᑕᐸᐃᕐᓇᖅᑐᒧᑦ ᑎᑭᑉᐳᖅ.

  • ᐅᐱᕐᖔᒃᑯᑦ ᓴᓗᒻᒪᖅᓴᐃᓂᖅ

    Episode 2

    ᑲᓪᓚ ᐅᑲᓕᑯᓐᓄᙵᐅᕗᖅ ᑲᑭᕙᖕᒥᓂᒃ ᐊᐃᒃᖠᖅᖢᓂ ᐊᑐᖅᑐᐊᓚᐅᖅᓯᒪᔭᖓᓂᒃ. ᑕᐃᑯᙵᕋᒥ ᑕᑯᕗᖅ ᓴᓗᒪᙱᑦᑐᐊᓗᖕᒥᒃ! ᑲᓪᓚ ᖃᐅᔨᒪᒐᒥ ᐱᖁᑎᑦᑎᓐᓂᒃ ᐋᖅᑭᑦᑎᐊᖅᓯᒪᑎᑦᑎᔭᕆᐊᖃᕐᓂᐅᑉ ᐱᒻᒪᕆᐅᓂᖓᓂᒃ, ᐱᖁᑎᑦᑎᓐᓂᒃ ᐊᓯᐊᔨᖃᑦᑕᕐᓂᐊᙱᓐᓇᑦᑕ. ᑲᓪᓚᒃᑯᒃ ᐅᑲᓕᒃᑯᒃ ᐃᑲᔪᖅᑎᒌᒃᖢᑎᒃ ᓴᓗᒻᒪᖅᓴᐃᓕᖅᐳᒃ ᐅᑲᓕᐅᑉ ᐃᒡᓗᖓᓂ.

  • ᓯᑰᑉ ᓯᖁᑦᑎᕐᓂᖓ

    Episode 3

    ᐊᐅᔭᙳᖅᐳᖅ ᐅᑭᐅᖅᑕᖅᑐᒥ. ᐅᑲᓕᖅ ᖁᕕᐊᑦᑕᒃᐳᒃ ᖃᒧᑕᐅᔭᒥᓂᒃ ᐃᖏᕐᕋᓱᖓᕐᓂᐊᕐᓂᕐᒥᓂᒃ ᑭᖑᓪᓕᖅᐹᒥ ᓯᑯ ᓯᖁᑦᑎᙱᓐᓂᖓᓂ. ᑭᓯᐊᓂ ᑲᓪᓚᐅᑉ ᐅᖃᐅᑎᕚ ᐅᑲᓕᖅ ᓯᑯ ᓯᖁᑦᑎᓕᕇᕐᓂᖓᓂᒃ ᐊᒻᒪ ᖃᒧᑕᐅᔭᕋᓱᖁᓇᓂᐅᒃ. ᑲᓪᓚᐅᑉ ᐃᖅᑲᐃᓯᕚ ᐅᑲᓕᖅ ᐊᓕᐊᓇᐃᑦᑐᓂᒃ ᐱᔭᒃᓴᓂᒃ ᐊᐅᔭᒃᑯᑦ ᐱᓕᕆᐊᕆᔪᓐᓇᖅᑕᖏᓐᓂᒃ.

  • ᐅᒥᐊᖅᑐᕐᓂᖅ

    Episode 4

    ᐅᑲᓕᒃᑯᒃ ᑲᓪᓚᒃᑯᒃ ᐸᕐᓇᒃᑑᒃ ᐅᒥᐊᖅᑐᕐᓂᐊᕋᒥᒃ ᑕᕆᐅᕐᒥ. ᐸᕐᓇᒃᖢᓂ, ᐅᑲᓕᖅ ᐃᓱᒪᒋᔭᖃᑐᐃᓐᓇᖅᐳᖅ ᓂᕆᓂᐊᖅᑕᒥᓂᒃ ᐅᒥᐊᕐᒥ, ᑭᓯᐊᓂ ᑲᓪᓚᐅᑉ ᐃᖅᑲᐃᓯᕙᐅᒃ ᐸᕐᓇᒃᓯᒪᔭᕆᐊᖃᕐᓂᖏᓐᓂᒃ ᐊᑦᑕᕐᓇᔾᔭᐃᒃᑯᑎᓂᒃ ᐊᓯᖏᓐᓂᒡᓗ ᐊᑐᕆᐊᖃᕋᔭᖅᑕᖏᓐᓂᒃ ᓯᓚᑦᑎᐊᕙᐅᔪᓐᓃᕐᓂᖅᐸᑦ.

  • ᑐᒃᑲᕆᐊᓕᒡᓗᓂ ᐊᑦᑕᕐᓇᖅᑕᐃᓕᓂᖅ

    Episode 5

    ᓯᓚᑦᑎᐊᕚᓘᕗᖅ ᐊᐅᔭᒃᑯᑦ, ᐅᑲᓕᒃᑯᒃ ᑲᓪᓚᒃᑯᒃ ᑐᒃᑲᕆᐊᓕᒃᑯᑦ ᐃᖏᕐᕋᑲᑕᒍᒪᓕᖅᐳᒃ ᓄᓇᓕᖕᓂ. ᑲᓪᓚ ᐸᕐᓇᒃᓯᒪᕗᖅ ᑎᓯᔪᒥᒃ ᓇᓴᖅᓯᒪᓪᓗᓂ ᐊᑦᑕᕐᓇᔾᔭᐃᒃᑯᑎᓂᒡᓗ ᐊᑐᖅᐳᖅ. ᐅᑲᓕᖅ ᐊᑐᕆᐊᖃᕋᓱᒋᙱᓚᖅ ᐊᑦᑕᕐᓇᔾᔭᐃᒃᑯᑎᓂᒃ ᑭᓯᐊᓂ ᓈᓚᒃᐳᖅ ᑲᓪᓚᐅᑉ ᐊᑐᖁᔭᖏᓐᓂᒃ ᐊᑎᓪᓗᓂᒋᓪᓗ ᐊᑦᑕᕐᓇᔾᔭᐃᒃᑯᑎᓂ. ᐊᑯᓂᐅᙱᑦᑐᖅ, ᐅᑲᓕᖅ ᐱᕐᕈᓗᒃᐳᖅ ᑐᒃᑲᕆᐊᓕᒃᖢᓂ ᐊᓕᐊᓇᐃᒍᓱᒃᐳᕐᓗ
    ᐊᑎᓯᖅᑲᐅᓂᕐᒥᓂᒃ ᐊᑦᑕᕐᓇᔾᔭᐃᒃᑯᑎᒥᓂᒃ. ᖃᓄᐃᙱᓚᖅ, ᐊᓕᐊᓇᐃᑦᑐᒥᒃ ᐃᖏᕐᕋᔭᒃᐳᒃ ᐱᖃᓐᓇᕆ...

  • ᐸᐃᕆᓂᖅ

    Episode 6

    ᓯᓚᑦᑎᐊᕚᓘᕗᖅ ᓇᐹᖅᑐᖃᙱᑦᑐᒥ. ᑲᓪᓚᒃᑯᑦ ᐃᓚᔮᕇᑦ ᐊᐅᓪᓛᕐᓂᐊᕐᒪᑕ ᐊᖑᓇᓱᒋᐊᕐᓗᑎᒃ. ᑭᓯᐊᓂ ᑲᓪᓚᐅᑉ ᖃᖏᐊᖓ ᐅᐃᓕᐊᒻ ᓄᕙᓕᖅᐳᖅ. ᑲᓪᓚᐅᑉ ᐱᖃᓐᓇᕆᔭᓂ ᐅᑲᓕᖅ ᐸᐃᕆᖃᑕᐅᖁᕚ ᐃᓚᔮᕇᑦ ᐊᖑᓇᓱᒋᐊᕐᓂᖏᓐᓂ.

  • ᕿᔪᒃᑖᖅᑕᕐᓂᖅ

    Episode 7

    ᐅᑲᓕᒃᑯᒃ ᑲᓪᓚᒃᑯᒃ ᐱᓇᓱᐊᕈᓯᐅᑉ ᓄᙳᐊᓂ ᑐᐱᕐᒦᑉᐳᒃ. ᑲᓪᓚ ᐅᓪᓛᕈᕋᒥ ᐱᓱᔪᒍᒪᓕᖅᐳᖅ ᕿᔪᒃᑖᖅᑕᕆᐊᕐᓗᓂ. ᑏᓕᐅᖅᐳᒃ ᐸᓚᐅᒐᔾᔨᐅᖅᖢᑎᒡᓗ.

  • ᑎᒍᐊᖅ ᓇᐅᔮᕋᖅ

    Episode 8

    ᓯᓚᑦᑎᐊᕚᓘᕗᖅ ᐋᓯᑦ ᐅᑭᐅᖅᑕᖅᑐᒥ. ᐅᑲᓕᖅ ᑎᑭᑉᐳᖅ ᐅᒥᐊᒃᑯᑦ ᐊᐅᓪᓛᖅᓯᒪᓚᐅᖅᖢᑎᒃ ᑕᑯᖅᑯᔾᔨᓯᑲᐅᑎᒋᕗᕐᓗ ᑲᓪᓚᒧᑦ ᓇᓂᓚᐅᖅᑕᒥᓂᒃ − ᓇᐅᔮᕋᕐᒥᒃ. ᑲᓪᓚᐅᑉ ᐃᓕᓐᓂᐊᖅᑎᑉᐹ ᐅᑲᓕᖅ ᑎᒍᐊᖃᕐᓗᓂ ᑲᒪᑦᑎᐊᕆᐊᓕᐊᓘᓂᖓᓂᒃ.

  • ᐱᔅᓯᓕᐅᕐᓂᖅ

    Episode 9

    ᐅᑲᓕᒃᑯᒃ ᑲᓪᓚᒃᑯᒃ ᐃᖃᓗᐊᔭᒃᐳᒃ. ᓈᒻᒪᒃᑐᓂᒃ ᐃᑲᓗᒃᐳᒃ ᖃᓄᑐᐃᓐᓇᖅ ᐊᔾᔨᒌᙱᑦᑐᓂᒃ ᒪᒪᖅᑐᓂᒃ ᓂᖅᖠᐅᕈᓐᓇᕐᓂᐊᓕᖅᐳᒃ, ᐱᔅᓯᓕᐅᕐᓗᑎᒡᓗ ᒪᒪᕆᓛᕆᖃᓯᐅᔾᔭᖓᓂᒃ! ᑲᓪᓚᐅᑉ ᐅᓂᒃᑲᐅᑎᕙᐃᑦ ᖃᓄᖅ ᐱᔅᓯᓕᐅᕈᓐᓇᖅᓯᓚᐅᕐᓂᕐᒥᓂᒃ.

  • ᖃᓪᓗᐱᓪᓗᐃᑦ

    Episode 10

    ᑲᓪᓚᐅᑉ ᐅᓂᒃᑲᐅᑎᕙᐃᑦ ᐅᑲᓕᒃᑯᑦ, ᖃᖏᐊᓂ ᐅᓖᐱᑲ ᐅᐃᓕᐊᒻᓗ ᐃᓕᐊᕐᔪᖕᒥᒃ ᖃᓪᓗᐱᓪᓗᖕᓂᒡᓗ. ᖃᓪᓗᐱᓪᓗᐃᑦ ᐆᒪᔪᕐᓗᐃᑦ ᓯᑰᑉ ᐊᑖᓂᕐᒥᐅᑕᑦ.

  • ᓄᓂᕙᒋᐊᕐᓂᖅ

    Episode 11

    ᐅᓪᓛᕈᒻᒥᑕᓕᐅᖅᖢᓂ ᑲᓪᓚ ᖃᐅᔨᕗᖅ ᔮᒥᑭᓕᕐᓂᕐᒥᓂᒃ, ᐅᑲᓕᒃᑯᒃ ᑲᓪᓚᒃᑯᒃ ᓄᓂᕙᒋᐊᕈᒪᓯᑳᓪᓚᒃᐳᒃ ᐸᐅᕐᖓᕐᓂᒃ. ᐅᑲᓕᖅ ᖃᐅᔨᕗᖅ ᐸᐅᕐᖓᐃᑦ ᒪᒪᖅᑐᐊᓘᒐᓗᐊᕐᒪᑕ, ᓄᓂᕙᒃᑕᒥᓂᒃ ᓂᕆᕙᓪᓕᐊᖏᓐᓇᕈᓂ, ᐊᖏᕐᕋᐅᔾᔨᔾᔮᙱᓐᓂᕐᒥᓂᒃ ᔮᒥᓕᐅᕈᓐᓇᐃᓪᓕᓗᓂᓗ.

  • ᒪᖁᒃᑐᖅ

    Episode 12

    ᒪᖁᒃᑐᖅ ᐊᐅᔭᒃᑯᑦ. ᑲᓪᓚ ᐊᓕᐊᓇᐃᒍᓱᑐᐃᓐᓇᖅᐳᖅ ᑐᐱᕐᒦᑦᑕᕆᐊᒃᓴᖅ ᓴᓗᒻᒪᖅᓴᐃᓗᓂ, ᑭᓯᐊᓂ ᐅᑲᓕᖅ ᐃᕿᐊᙳᖅᐳᖅ. ᐊᔭᒐᕈᒪᓯᑳᓪᓚᒃᐳᒃ, ᐱᙳᐊᒐᒃᓴᑦᑎᐊᕙᐅᖕᒪᑦ ᐃᓯᖅᓯᒪᑯᑖᖕᓂᐊᕐᓗᓂ. ᐅᑲᓕᒃᑯᒃ ᑲᓪᓚᒃᑯᒃ ᐊᓕᐊᓇᐃᒋᔭᕐᒥᓂᒃ ᐱᙳᐊᑲᑕᒃᐳᒃ ᐃᓄᐃᑦ ᐱᙳᐊᖅᐸᓚᐅᖅᑕᖏᓐᓂᒃ ᑐᐱᕐᒥᓂ, ᖃᐅᓯᓕᕐᓇᙱᑦᑐᒥ.

  • ᐸᕐᓇᐃᕐᓂᖅ

    Episode 13

    ᐊᐅᔭᖅ ᐃᓱᓕᓕᖅᐳᖅ. ᓯᓚ ᓂᒡᓚᖅᐸᓪᓕᐊᓕᖅᐳᖅ. ᖁᐱᕐᕈᐃᑦ ᓯᓂᓕᖅᐳᑦ. ᐅᑲᓕᒃᑯᒃ ᑲᓪᓚᒃᑯᒃ ᐸᕐᓇᐃᕆᐊᖃᓕᖅᐳᒃ ᑐᐱᕐᒥᖕᓂᒃ ᓄᓇᓕᖕᓄᓪᓗ ᐅᑎᕐᓗᑎᒃ. ᐅᑲᓕᖅ ᐊᐅᓪᓚᕈᒪᙱᒃᑲᓗᐊᖅᐳᖅ. ᐊᐅᓪᓛᖅᓯᒪᓪᓗᓂ ᐊᓕᐊᓇᐃᒋᒐᒥᐅᒃ. ᐅᓂᒃᑳᑲᑕᒃᐳᒃ ᖃᓄᐃᓕᐅᕐᓂᕆᓚᐅᖅᑕᒥᖕᓂᒃ ᐊᐅᔭᖅ.