ᐊᐅᔭᙳᖅᐳᖅ ᐅᑭᐅᖅᑕᖅᑐᒥ. ᐅᑲᓕᖅ ᖁᕕᐊᑦᑕᒃᐳᒃ ᖃᒧᑕᐅᔭᒥᓂᒃ ᐃᖏᕐᕋᓱᖓᕐᓂᐊᕐᓂᕐᒥᓂᒃ ᑭᖑᓪᓕᖅᐹᒥ ᓯᑯ ᓯᖁᑦᑎᙱᓐᓂᖓᓂ. ᑭᓯᐊᓂ ᑲᓪᓚᐅᑉ ᐅᖃᐅᑎᕚ ᐅᑲᓕᖅ ᓯᑯ ᓯᖁᑦᑎᓕᕇᕐᓂᖓᓂᒃ ᐊᒻᒪ ᖃᒧᑕᐅᔭᕋᓱᖁᓇᓂᐅᒃ. ᑲᓪᓚᐅᑉ ᐃᖅᑲᐃᓯᕚ ᐅᑲᓕᖅ ᐊᓕᐊᓇᐃᑦᑐᓂᒃ ᐱᔭᒃᓴᓂᒃ ᐊᐅᔭᒃᑯᑦ ᐱᓕᕆᐊᕆᔪᓐᓇᖅᑕᖏᓐᓂᒃ.
ᓯᓚᑦᑎᐊᕚᓘᕗᖅ ᐊᐅᔭᒃᑯᑦ, ᐅᑲᓕᒃᑯᒃ ᑲᓪᓚᒃᑯᒃ ᑐᒃᑲᕆᐊᓕᒃᑯᑦ ᐃᖏᕐᕋᑲᑕᒍᒪᓕᖅᐳᒃ ᓄᓇᓕᖕᓂ. ᑲᓪᓚ ᐸᕐᓇᒃᓯᒪᕗᖅ ᑎᓯᔪᒥᒃ ᓇᓴᖅᓯᒪᓪᓗᓂ ᐊᑦᑕᕐᓇᔾᔭᐃᒃᑯᑎᓂᒡᓗ ᐊᑐᖅᐳᖅ. ᐅᑲᓕᖅ ᐊᑐᕆᐊᖃᕋᓱᒋᙱᓚᖅ ᐊᑦᑕᕐᓇᔾᔭᐃᒃᑯᑎᓂᒃ ᑭᓯᐊᓂ ᓈᓚᒃᐳᖅ ᑲᓪᓚᐅᑉ ᐊᑐᖁᔭᖏᓐᓂᒃ ᐊᑎᓪᓗᓂᒋᓪᓗ ᐊᑦᑕᕐᓇᔾᔭᐃᒃᑯᑎᓂ. ᐊᑯᓂᐅᙱᑦᑐᖅ, ᐅᑲᓕᖅ ᐱᕐᕈᓗᒃᐳᖅ ᑐᒃᑲᕆᐊᓕᒃᖢᓂ ᐊᓕᐊᓇᐃᒍᓱᒃᐳᕐᓗ
ᐊᑎᓯᖅᑲᐅᓂᕐᒥᓂᒃ ᐊᑦᑕᕐᓇᔾᔭᐃᒃᑯᑎᒥᓂᒃ. ᖃᓄᐃᙱᓚᖅ, ᐊᓕᐊᓇᐃᑦᑐᒥᒃ ᐃᖏᕐᕋᔭᒃᐳᒃ ᐱᖃᓐᓇᕆ...
